På bærtur med Traa

På bærtur med Traa er eit øl der me leikar oss med frukt og bær frå naturen. Denne gongen har me leika oss med morell, og gjæra med kveik frå Voss, som skapar mykje fruktig smak og aroma. Kveik er urgjær ein har nytta på gardane på Voss i generasjonar, kanskje attende til like etter at den fyrste sauen vart fødd. Me humlar berre etter koking og beheld såleis den fruktige aromaen frå humla. Me tilset morell før gjæring, og det skapar den fine fargen og friske smaken. På bærtur med Traa er ein frisk fylgjesvein, om det er attåt mat, desserten eller rett og slett heilt åleine. Ølet er gjæra med Vossakveik, er ufiltrert og upasteurisert og nytast best ved 5-8 grader.